Verda Infero

El Neciklopedio
Iri al: navigado, serĉi

" Nur suferinto ŝatas feliĉon"

~ Zamenhof pri gastoj de infero

"Kvo, al diablo, is sineutilulo farin ce mi?"

~ Kolera reformisto en Verda Infero
7559.jpg

Verda Infero estas loko, kie iras krokodiloj, aligatoroj, reformistoj, eternaj komencantoj kaj malbonaj esperantistoj post la morto.

Malfacila lingvo Esperanto estas - kompreneble. Tiel malfacila, ke vi apenaŭ sukcesos "ellerni" ĝin, sed pekos dum via tuta vivo - escepte nur de malmultaj sanktuloj. Ni do havas bonan ŝancon revidi nin en la verda infero. Sed kio atendos nin tie? Kaj kiuj estas viaj plej oftaj lingvaj pekoj en lingvo malfacila?

La aĉaj homoj, kiuj nur pene distingas inter b/p, d/t, g/k, z/s kaj daŭre emas al molaj konsonantoj estos kondamnita al eterna ripetado de frazoj kiel "ni pesas deserton en peza dezerto, rosa procezo dum roza proceso".

Verŝajne tie senfine laŭte legiĝos PMEG kaj suferigos pekulojn per transitivaj vortoj. Aŭ eĉ pli terure: dum tago kaj nokto la pekuloj devos atente aŭskulti prelegon de Anna Lowenstein pri landnomoj kaj obeeme ripetadi: "ruso, Rusujo", "belgo, Belgujo".

Ŝajnas ke la verda infero havos grandan sekcion por viktimoj de falsaj amikoj.

Se ni rajtas kredi al Dante, tiu infero ŝajnas esti sufiĉe pitoreska loko, iom kiel en porinfana elsendo posttagmeza en iu privata televid-kanalo:

Bertilo, monstro stranga kaj kruela,
trifaŭke bojas, kiel hund', senpaŭze,
super dronintoj de la koto ŝvela.
Kun grasa barb', okuloj stelaj, naŭze,
kaj kun ungegaj manoj, verda ventro,
li la animojn ŝiras tranĉe, taŭze.

Vera Okazaĵo[redakti]

Ofta kialo por oni iri al infero: Esperanto

Eterna komencanto post laŭvica provo trapasi la duagradan ekzamenon estis trafita de koratako kaj forpasis (sed ne kabeis!). Li okaziĝis esti en transa mondo, ĉe pordego de kiu renkontis lin barbeca Sankta Zamenhof. "Kien Vi volas ekiri, - demandis Zam. - En paradizoninferon?". - "Hm, - enpensiĝis jam sperta komencanto, - unue mi volus rigardi ilin". - "Bone, - respondis Zam. - Ekiru!".

Unue ili malsupreniris en la verdan infernon. Kaj la komencanto ekvidis rekonan situacion: malgranda ĉambro estis plenplena je liaj (eksaj) samsortanoj, kiuj preparas sin al duagrada ekzameno. Ĉie kuŝas dikaj lerniloj kaj vortaroj, ĉiuj senĉese balbutadas, tralegante centan fojon paragrafojn el PMEG, sur muroj pendas longegaj listoj de trans/netransitivaj vortoj kaj ĉe la nigra tabulo iu tristoza akurate skribas per kreto: "Mi neniam forgesos akuzativo".

"Ho, ne - mi jam estas plensata je tio, - deklaris la komencanto. - Pli bone mi ekrigardos la paradizon". - "Bone. - respondis la saĝega Zam. - Sekvu min!". Kioma ja estis miro de la komencanto, kiam ĉi tie li ekvidis la saman bildon. En malvasta ĉambreto sidas grupo da samideanoj kaj lernadas, sen levi la kapojn - ĝis la duagrada ekzameno restas nur du horoj. Unuj parkeradas diligente bonajn vortojn kaj pene forgesadas tiujn mavajn. Aliaj disputas pri kie loĝas la pakoj - en Pakistano aŭ en Pakujo. Triaj bataladas per PIV kaj NPIV kaj lastaj evidente venkas, ĉar iliaj volumoj estas pli pezaj. ktp, ktp.

"Diablo prenu! - ekkriis senfeliĉega komencanto - Sed kiu ja estas diferenco inter la inferno kaj tiu paradizo?". Ĉe tio la senfine saĝega kaj favorega Zam levis la manon kaj diris, montrante la paradizan grupon: "Tiuj SUKCESOS".

Infera lingvo[redakti]

Laŭ Livera Folio Satano prezentis sin en la formo de vira ŝafo (ĉu ne kapro?) dum Esperanto-asocio okazanta en L., Francio. 21-jara knabo alvokis hieraŭ tute senvole la demonon, kiam li provis elparoli la frazon Mi aliĝis per la reta aliĝilo. La knabo ne sukcesis eldiri la frazon, sed li senintence komencis elsendi sonojn, kiuj pli similis al la latina lingvo ol al esperanto. Liaj samklasanoj provis konvinki lin, ne klopodi. “Li ruĝiĝis kaj ektremis, sed li ne aŭdis niajn kriojn. Poste fumo komencis eliri lian kapon kaj la sulfura odoro atingis la tutan ĉambron”.

Parapsikologoj jam komencis pristudi la fenomenon, kiu laŭ iliaj deklaroj petas tujan revizion de liaj fakaj fundamentoj. “Ni suspektas, ke la lingvo de la infero povas do esti ne la angla sed komencanta francakĉenta esperanto”. Ili studas ankaŭ la kazon de bazlerneja instruistino, kiu preskaŭ malfermis interdimensian breĉon, kiam ŝi skribis Google sur la tabulon.

La respondeculo pri la esperanto-kurso intencas plukunveni por la lecionoj.

Vidu ankaŭ[redakti]