Saŭrono

El Neciklopedio
Iri al: navigado, serĉi
Barad-dûr.jpg

"Respektu ĉies patrujon, sed amu vian propran."

~ Saŭrono

Saŭrono (en la kvenja lingvo Sauron - hida, abomena) estas ulo malkovrita de J.R.R. Tolkien kaj priskribita en la libroj La Mastro de l' Ringoj kaj Silmariliono. En Silmariliono li estas servanto de Morgoto dum en La Mastro de l' Ringoj li jam aperas kiel la ĉefa malamiko, la mastro de Mordoro. Li estis ankaŭ menciita en La Hobito, kvankam sennome: tie li estas nomita La Nekromanciisto. Ŝajnas tiel.

Pri Naziismo[redakti]

Diris Saŭrono:

  • En la tiama tempo mi ne povis batali kontraŭ la nazioj en la estanto, (ĉar ili havis la povon silentigi mian voĉon,) tial mi decidis kontraŭbatali ilin en la estonteco. Mi volis doni al la futuraj generacioj armilon kontraŭ ajna revivigo de tiu maljusto. Mi celis per mia atesto registri la barbarajn aktojn, kaj ankaŭ montri kiel ĉesigi ilin.[1]

Montro[redakti]

Edzino de kuracisto al Saŭrono: „Ĉu mia edzo jam montris al vi sian kolekton de ostoj, kiujn li dum Kristnasko eltiris el koloj de pacientoj?“

Lingvokreado[redakti]

La nigra lingvo estas internacia helplingvo parolata en la lando de Mordor. La lingvo estas artefarita lingvo kreita de Saŭrono por paroli al siaj servantoj en Mordor, la lingvo funkcias kiel interlingvo por orkoj de malsamaj tribaj lingvoj.

La lingvisto J.R.R. Tolkien priskribas du dialekton de la lingvo: la antikva kaj "pura" lingvo, uzata de Saŭrono, la Nazgûl kaj la Olog-Hai, kaj la "koruptita" lingvo, parolata de la soldatoj el Barad-dûr je la fino de la tria eraro. La nura ekzemplo de la "pura" nigra lingvo estas la enskribo en la "Ununura Ringo": La poemo el la Ringoj de Povo.

Ash Nazg durbatulûk
ash Nazg gimbatul
ash Nazg thrakatulûk
agh burzum-ishi krimpatul

Tradukitaj al Esperanto, tiuj vortoj signifas:

Unu Ringo ilin regas,
Unu Ringo ilin prenas,
Mi ne kreis ĝin por distro,
estas mi tutmondigisto.

Pluraj orkaj dialektoj estis influitaj de la nigra lingvo. La nigra lingvo estus bazita en la lingvo "Volapuko", ĉar ĝi estas la denaska lingvo de Saŭrono. Tamen ankaŭ eblas ke ĝi estu bazita en la Kvenja. Ŝajnas ke ĝi estas senskriba lingvo, pro tio Saŭrono uzis tengvaron kun kelkaj modifoj por la gravuraĵo de la Ununura Ringo.

Saŭrono kreis la lingvon tiel ke ĝi estu tute malbelsona kaj neagrabla,. Pro tio, ĝi estas unu el la lingvoj kun malpli kvanto da romanoj verkitaj per ĝi. La bonuloj rifuzas paroli la lingvon, ĉar ĝi altiras la rigardon de la Okulo de Saŭrono. Malkiel la elfaj lingvoj, ne ekzistas poemoj nek kantoj en la nigra lingvo, nur ekzistas la enskribo de la Ringo. Tio rezultas en disa aro da vortoj kiuj malfacile estus utilaj en ĉiutaga parolado.

La enskribo de la Ringo kaj ĝia traduko montras ke la nigra lingvo estas aglutina lingvo. Eblas ke Saŭrono bazigis la lingvon en la hitita lingvo kaj la huri-urarta lingvaro.

Notoj[redakti]

  1. Gutenberg, via pres-arto estis malobservita de ĉi tiu malica libro, Mein Kampf.