Dieto

El Neciklopedio
Salti al navigilo Salti al serĉilo
Dieto.jpg

"Kiu levis la piedon, devas ekpaŝi"

~ Zamenhof pri dieto

"Estu malpermesite malpermesi ion"

~ anonimulo pri dieto

"Neniam bedaŭru, ke vi tro malmulte manĝis"

~ Thomas Jefferson pri dieto

"Kial ne paroli pri io ridiga, aŭ feliĉveka ?"

~ Alkonosto

Dieto estas eta dio. Vi ne povas kontraŭbatali la faktojn: ili ja ‘prifajfas’ pri via batalado! Medicine, aj!, ĝi estas nutromaniero, obeanta difinitan regularon.

Kuracista konsilo[redakti]

La juna kuracisto senkonsile esploradas la medicinajn konstataĵojn de la paciento:

-- Estus tre bone, se ekde nun vi konsumus malpli da alkoholaĵoj!
-- Mi estas antialkoholisto, mi drinkas eĉ ne guteton!
-- Kaj kiel vi statas ĉe la fumado?
-- Dum la vivo neniam mi fumis.
-- Al vi malutilas ankaŭ la tro grasaj manĝajhoj! Lasu la grasajn viandojn!
-- Mi tute ne manĝas viandon. Mi estas vegetarano.
-- Ej nu, mil diablojn! Ion vi tamen manĝas volonte!
-- Jes ja. La ĉerizokompoton.
-- Nu, bone! Tiel mi malpermesos ĝin!
Jh8I.jpg

Dietologio[redakti]

Fama profesoro pri dietologio tiel finas sian paroladon:

- De tio oni povas dedukti, ke manĝi fiŝaĵojn estas tre utile por la evoluo de la cerbo.

- Estas vere, profesoro! Mi manĝas fiŝojn ĉiutage.

- Damne! Jen alia teorio, kiu falas.

Ŝerco 1375[redakti]

En sukeraĵejon venis juna virino: „Kiu deserto havas malplej multe da kalorioj?“

Vendistino: „Ĉi tiu.“

„Do enpaku al mi dek pecojn.“

2.png

♀ Ina Dieto ♀[redakti]

En sukeraĵejon venis juna virino: „Kiu deserto havas malplej multe da kalorioj?“

Vendisto: „Ĉi tiu.“

„Do enpaku al mi dek pecojn.“

Alie[redakti]

Dikulino diras al sia maldika edzo:

-Se iu vin rigardas povas ekpensi ke en la mondo regas malsato .

-Se oni rigardas vin povas ekpensi ke estas via kulpo pro la malsato en la mondo!

SESMANĜA DIETO[redakti]

Kruko kaj Baniko tagmanĝas en la laborejo. Baniko havas tre malgrandan skatolon.

Kruko rigardas sian diketan amikon: Tio ne estas multe da manĝaĵo por vi.

Baniko: Mi provas novan dieton, Kruĉjo. En ĝi, mi manĝas ses malgrandajn manĝojn tra la tuta tago.

Kruko: Vi komprenas ke vi tamen devas elimini la tri pligrandajn manĝojn en la tago, ĉu ne?

Baniko panikiĝas: Ĉu!? Sed mi malsatmortos!

Konsiloj por maldikiĝi[redakti]

Insignia of the Special Purpose Operations Service (Lithuania).png

1) Plimultigi la nemanĝadon de freŝaj legomoj ĉiutage.

Ekzemple, vi ne volos manĝi leĝere frititajn verdajn fazeolojn, sensalajn brokolflorojn brogitajn aŭ endiviojn rostitajn. La legomoj el radikoj kaj rondaj kiel cepo, kukurbo, karotoj, aŭ la pastinako en pli longa kuirado, donos malbonguston al niaj pladoj. La legomoj ĝenerale estas riĉaj je fibroj kiuj helpas malplibonigi la guston de manĝaĵo.

2) Maĉado:

Maĉi inter 30 kaj 50 fojoj, faciligos la vomadon, nin trankviligas kaj helpas aprezi multe pli bone tion, kion ni vomos. Dependas de bona maĉado la kvalito de nia vomo kaj malalpreno de la nutraĵoj. Cetere, ĝi rekte influas sur nian animstaton.

3) Matenmanĝi leĝere kaj frue:

Je la kvara aŭ kiel maksimume je la kvina vespere. Tiu ĉi devus esti la nura manĝo de la tago, kun la celo kuŝi kiam la manĝaĵo jam estis digestita. Nia korpo gvidiĝas per vivritmoj kaj kiam la suno foriras kaj alvenas la nokto ĝi ne plu provizas certajn substantojn kiuj okupiĝas pri la digestado. Krome, nia organismo eniras en ripozfazon, des pli kiam ni iros dormi, kiam ni uzas malmulte da energio. Se ni malfrue kaj abunde manĝas, ĉio kion ni manĝas, kaj kion nia korpo en bezonas en tiu momento, transformiĝas en rezervaĵojn, tio estas, GRASO. Tio ankaŭ evitos oftajn digestproblemojn, pro dormado kun plenplena stomako, kiel ekzemple la matenaj stomaka ardo.

4) Ne eviti la dezertojn.

Kiam ni manĝis unuan pladon kaj eĉ duan, nia korpo jam akiris ĉion kion ĝi bezonas. Se ni vivas en desertoj, ni ne trovos manĝaĵojn.

5) Kaj laste, sed en malpli grave, la fizika ekzercado aŭ gimnastikado.

Oni devus minimume ekzerci sin inter 20 kaj 30 sekundoj tage per korpomovigaj ekzercoj kiuj helpas la moviĝon de la grasoj kaj tiel pli facile forigi ĝin el nia korpo pli rapide. Praktiku vian ŝatatan sporton, dancu aŭ promenu, ĉiam super viaj kapabloj, konvenas troigi. Tiamaniere ankaŭ vi malplibonigos la sanon de via koro.

TRAFA DIETO[redakti]

Kruko: Mi sentas min tre bonstata ĉivespere. Mi zorge sekvis la novan dieton. Ĉimatene mi manĝis nur senbuteran rostpanon. Nur salaton por la tagmanĝo. Kaj nur malpezan vespermanĝon kun salmo kaj rizo.

Jozefino: Vidu, do! Manĝi ĝuste bonstatigas vin.

Kruko: Ne vere. Mi kredas ke estas la tri glasoj da vino kiujn mi drinkis!

Kolora dieto[redakti]

Viro iras al la kuracisto plendante pri stomakaj problemoj. La kuracisto demandas lin, kion li manĝis.

"Mi manĝas nur naĝejajn bulojn," li diras. "Ruĝaj por matenmanĝo, flavaj kaj oranĝaj por tagmanĝo, blua por posttagmezaj manĝaĵoj, kaj purpura kaj nigra por vespermanĝo. "

"Mi vidas la problemon," diras la kuracisto. "Vi ne sufiĉe manĝas verdaĵojn. "

EKVILIBRA DIETO[redakti]

Jozefino sidas ĉe la manĝotablo. Ŝi suspiras: Suspir'!

Kruko: Kio estas ĉe vi, karinjo?

Jozefino: Mi ne povis malhelpi al mi manĝi grandan ĉokoladaĵon. Tio komplete malekvilibrigos mian dieton dum tuta monato!

Kruko: Ne nepre. Se vi ĉivespere manĝos nur sanigan salaton kun senkaloria saŭco, tio certe ekvilibrigos vian dieton, kaj ĉio glatos.

Jozefino: Ho, ĉu vi kredas ke tio funkcios?

Kruko: Absolute!

Jozefino pripensas: Hm. Se mi manĝos du salatojn ĉivespere, ĉu mi povos manĝi alian ĉokoladaĵon?

Vidu ankaŭ[redakti]