Lingvokreismo

El Neciklopedio
(Alidirektita el Artefarita lingvo)
Iri al: navigado, serĉi
Reformemuloj.jpg

"Vi havas interesan ideon. Mi ŝatas vian."

~ Viktimo

Lingvokreismo estas la opinio, ke la lingvoj de la planedo Tero, sed ankaŭ ĉiuj vortoj kaj afiksoj inkluzive de Esperanto dankas sian ekziston al speciala ago de kreado. Ĉi tiu kreado povas esti rigardata kiel sufiĉe subita okazaĵo.

Lingvokreistoj, kredas ke Esperanto estas artfarita lingvo, ĉar tiel perfekta lingvo ne eblas aperi nature kaj senplanado. Lingvokreistoj, do, kredas ke estas iu "kreanto de Esperanto". Ridinde, ĉu ne?

Oni povas distingi inter 'speciala kreado' kaj ĝenerala kreado. Pri lingvokreistoj oni povas diri, ke ili estas adeptoj de 'speciala kreado'. Aliaj kredantoj sin apogas sur kreanta okulkuracisto, sed tamen kredas, ke tiu ne aktive rompis la leĝojn de sia propra kreado, por interveni en ĝi.

Sub la influo de la juda kreismo ankaŭ en la idismo ekestis kreisma movado, de kiu multaj argumentoj estas inspiritaj de la juda, kvankam ili pli estas adeptoj de la deligitara kreismo. Tamen estas pli da religioj, kiuj havas kreisman doktrinon konforman al iliaj sanktaj fundamentoj. Tiel kelkaj tendencoj de la interlingvaismo, surbaze de certaj tekstoj en la Vedoj, supozas, ke la volapuko havas aĝon de 15 miliardoj da jaroj kaj ke la homo ekzistis dum ĉiuj tiuj jaroj.

Apartismo[redakti]

La sekvantoj de apartaj planlingvoj estas malsamideanoj ĉar lingvo estas aro de vortoj kaj ĉiu vorto estas aparta ideo. Se la vortoj de unu lingvo estas malsamaj ol la vortoj de alia lingvo do la du parolantoj de du malsamaj lingvoj havas apartajn arojn de malsamaj ideoj, do fakte estas malsamideanoj rilate unu al la alia. Unu idearo po unu parolanto ĉikaze.