Alkoholismo

El Neciklopedio
Salti al navigilo Salti al serĉilo


5569 n.jpg
5569 n.jpg

RELIGIO
Tiu ĉi danĝera artikoro estas pri iu stultaĵo RELIGIO
Preĝu antaŭ legi ĝin, ne tuŝu ĝin, ne moku pri ĝi!!!


Alkoholismo
Алкоголизм
Alkoholisma Eklezio; Drinkemo

666.jpg
Simbolo
Devizo: "Tralavu la gorĝon!"
Dioj Ebrio Ĉiopova
Sanktuloj Aleksandro la Granda; Anti Künstlich; Boris Jelcin
Profetoj Alkoholo
Herezuloj Alkoholuloj Anonimaj
Sankta libro Poemaro de William Auld
Kredantoj 1 miliardo

"Ĉesis esti vino, sed vinagro ne fariĝis."

~ Zamenhof pri sufiĉe bona drinkaĵo por alkoholisto

"Tri tre drinkemaj fratoj frote trafis truon de l' trotuaro"

~ Trockij

Alkoholismo estas antikva religio, kiu adoras Ebrion Ĉiopovan. Hodiaŭ ĝi estas plej populara en Estonio kaj Aŭstrio.

Histerio[redakti]

Zom!.jpg

Alkoholismon laŭmite inventis Noa, patriarko de la hodiaŭa homaro. Ĝi ne estas abrahama religio sed estis praktikita de lia kuzo Lot. Ĝia disvastigo tra la mondo estis plejparte dank' al Aleksandro la Granda, kiu fame oferis la tutan urbon Persepolis al Ebrio.

Kiel rekoni alkoholiston[redakti]

Alkoholisto eniras drinkejon kaj petas la mastron:

— Rapide! viskion, antaŭ ol komenciĝos la pugnado.

La mastro donas la viskion. La alkoholisto post kelkaj minutoj denove:

— Rapide! ankoraŭ viskion, antaŭ la pugnado.

Donite la dua viskio post iom jam denove petas la alkoholisto:

— Mastro! Rapide, ankoraŭ alian viskion, antaŭ la pugnado.

Finfine doninte la trian viskion la drinkejmastro demandas:

— Amiko, pri kiu pugnado sub la suno temas?

Respondas la alkoholisto:

— La pugnado kiu okazos, kiam vi trovos min senmona por pagi la viskiojn...

Karakteroj[redakti]

Islamana sieĝanto.

Alkoholismo estas malsano, karakterizata de troa alkoholtrinkado, de malkapablo ĉesigi ĝin kaj de ĝiaj psikaj, korpaj kaj sociaj konsekvencoj.

Se ĉe viro ĝenerale en ekstera konstitucio dominas aŭ almenaŭ estas konsiderata idealo logiko kaj konkreteco, do ĉe virino — sento. Sed en animo aperas inversa rilatumo: viro interne sentas kaj virino pensas. Pro tio viro pli facile trafas kompletan desperon dum virino plu kapablas konsoli kaj esperi; pro tio viro pli ofte sin mortigas ol virino. Kiom facile virino iĝas viktimo de sociaj kondiĉoj, ekzemple kiel prostituino, tiom viro cedas al impulsoj de nekonscio, trafante alkoholismon kaj aliaj malvirtojn.

Kaj ĉi tie troviĝas nenia inklino al idiota aŭ idiotiga mistikemo, laŭ la preferata akuzo de iuj homoj, kiuj sisteme neas la ekziston de entrudulo, kiu klopodas enrompi ilian pordon. Tiu okazo de la ekonomia momentkrizo, kiu influis la tutan mondon, estis tipa. Nura konscio pri la danĝeroj, kiuj ĉirkaŭas nin ne faras nin prudentaj. Ekzistas homoj, kiuj sin donas al la allogo de interesoj, kiuj nun aŭ poste montriĝos genocidaj. Tamen, en ĉi tiu epoko de tutmondiĝo, absolute neniu estas protektata konstraŭ io minaca, kio okazis aŭ okazos ĉe plej izolitaj punktoj sur la Tero, se efektive tiaj punktoj ankoraŭ ekzistas. Viruso, plej granda-malgranda malamiko, kiu nin timigas nuntempe pli ol en pasinta tempo, neniam trovis tiel favorajn kondiĉojn por disvastiĝo ol en la nuna tempo. Ĝia fidela amiko, Sinjoro Medimalpurigo, kaj aliaj kunuloj malpli popularaj liveras al ĝi ĉion necesan por ke ĝi ekloĝu en nia korpo kaj fariĝu malfacile kontrolebla pro abismecaj, nekoncepteblaj mutacioj.

Dogmoj[redakti]

1187 n.jpg

La dogmo de alkoholismo plej bone resumiĝas kiel "Ju pli da ebrio, des pli bone." Tamen ekzistas multaj variaĵoj de tiu dogmo. La jenaj tekstoj estas nur tradukoj de la originalaj dogmoj, skribitaj en la sankta ebria lingvo, do ili verŝajne ne estas fidelaj.

Alkoholista kredo[redakti]

Mi kredas je Ebrio, la Potenco ĉiopova, la miksanto de la ĉielo kun la tero; kaj je Alkoholo, Ĝia unu-nura Ebriilo, nia Sinjoro, koncipita per la Sankta Sukero, naskita el la Fermento, distilita per la distililo, enboteligita, transportita, kaj vendita al mi por ke mi malsobriĝu en la regnon de la ĉielo. Matene mi resobriĝos el la Ebrio, rapide iros al la alkoholejo, aĉetos alkoholon cele de Ebrio, la Potenco ĉiopova, de kie mi venis, malgraŭ juĝo de la sobruloj kaj la religiuloj. Mi kredas je la Sankta Sukero, la Sankta Drinkejo, la komuno de la Ebriuloj, la pardono de la pekoj, la Postebrio, kaj la alkoholismo eterna. Tost!

Dek kolonoj de alkoholismo[redakti]

La alkoholismo havas dek kolonojn, ĉar oni bezonas ilin por stari:

  1. Kredo: Ekzistas nenia celo krom Ebrio kaj alkoholo estas Ĝia ilo.
  2. Neĝo: Neĝo aŭ kokaino bone miksiĝas kun alkoholo.
  3. Almozpeto: Se oni ne plu povas aĉeti alkoholon, oni petu almozojn por akiri ĝin.
  4. Fastado: Fasto malpliigas la toleron de alkoholo, malmultekostigante la Ebrion.
  5. Pilgrimo al la drinkejo: Prefere ĉiutage.

Hm, ĉu tiuj estas nur kvin laŭ vi? Strange. Mi vidas dek.

Borracho.jpg

Dek tri principoj de alkoholisma fido[redakti]

Oni ankaŭ povas diri, ke alkoholismo havas 13 principojn:

  1. Ekzisto de Ebrio
  2. Unueco kaj unikeco de Ebrio
  3. Ĝojo de Ebrio
  4. Eternigindeco de Ebrio
  5. Alkoholo rezervita nur por Ebrio
  6. Revelacio pere de la Ebrio
  7. Superelstareco de alkoholo super ĉiuj ebriiloj
  8. Neĝo kun Ebrio en malgranda ĉambro for de la cetero de festantoj
  9. Neŝanĝebleco de la kutimo de ĉiutaga Ebrio
  10. Antaŭscio de sobraj alkoholistoj pri tio, ke baldaŭ venos la Ebrio
  11. Rekompenco pro la drinkado per Ebrio kaj puno per la Postebrio
  12. Alveno de la Postebrio
  13. Resurekto de la hepato je la fino de la mondo

Dekomence tiuj principoj plaĉis al malmultaj inter la alkoholistoj, eĉ multaj ilin malakceptis kun la akuzo pri netaŭga pesimismo; sed iom post iom ili eniris eĉ la komunuman drinkejon de multaj alkoholistoj. Hodiaŭ ortodokse konfesantaj alkoholistoj ilin respektas kiel devigaj.

Deklaracio de alkoholismo[redakti]

Mi 'ŝtaŝ tjom ebria, ke vin ĉŝiujn... ne! La tutan omaron, mi rigardaŝ kjel mian familion. La divid...it...etŝon! Delaŭmaro, en diverŝaj...AJN... fek, mi plu drinku.

Deklaracio pri la esenco de alkoholismo[redakti]

4.png

La Deklaracio pri la esenco de alkoholismo (malprecize ankaŭ "Deklaracio pri Alkohol[ism]o") estas baza konstitucia dokumento difinanta la memkomprenon de la Alkoholistoj kaj jure fiksanta la Ebrion kiel celo de la Alkoholistoj.

La deklaracio konsistas el kvin punktoj:

  1. La alkoholismo estas penado ebriiĝi; la interkompreniĝo de la diverslingvaj homoj estas nur kromrezulto.
  2. Drinko internacia povas esti nur arta, perfekte vivipova kaj en ĉiuj rilatoj plej taŭga montriĝis nur unu sola drinko: Alkoholo.
  3. La ebriulo rezignis pri ĉiuj personaj rajtoj rilate siajn pensojn kaj transdonis ilin al la tuta mondo.
  4. La sola bazo, deviga por ĉiam kaj por ĉiuj alkoholistoj estas la Ebrio.
  5. Alkoholisto estas nomata ĉiu persono, kiu konas kaj uzas la ilon Alkoholo ĉiutage por ebrio.

Ĝi estas akceptita de la Unua Universala Kongreso de Ebriuloj en Bulonjo-ĉe-Maro je la 9-a de aŭgusto 1905, nelonge post kiam oni fiksis la esencon de Esperantismo.

Tri juveloj de Alkoholismo[redakti]

La tri juveloj de Alkoholismo estas:

  1. La Ebrio, la plej alta spirita stato kiu ekzistas ene de ĉiuj estaĵoj;
  2. La Saĝeco, kiu povas veni nur de ebrio;
  3. La Komunumo de mortintaj ebriuloj.

La tri juveloj de la Alkoholismo estas la tri bazoj de alkoholisma praktiko. En tiaj triaj juveloj, kaj precipe en la unua, ĉiuj alkoholistoj prenas refuĝon ĉiutage.

Tri korpoj de Ebrio[redakti]

090120 alkoholuloj.jpg

Kvankam Ebrio estas unueca, ĝi ekzistas en tri korpoj aŭ formoj:

  1. Alkoholo, la kreanto
  2. Plia Alkoholo, la daŭriganto
  3. Ankoraŭ Plia Alkoholo, la dormiganto.

Ĉu tio kontraŭdiras, kion mi jam diris? Mi ne memoras, kion mi diris. Fakte, kiu estas vi, kaj kial mi parolas al vi? Fikulo! Mi amas vin. Nu, mi kontinuos...

Tri kvalitoj de Ebrio[redakti]

Laŭ alkoholistoj, Ebrio havas ĉefe tri kvalitojn:

  1. Nepermanenteco
  2. Nesufiĉo
  3. Nuligo de la memo

Ekzistas multaj nesufiĉaj klarigoj de tio.

Rilatoj kun aliaj religioj[redakti]

Dum la historio tre ofte konfliktis alkoholistoj kun Kristanoj, kiuj akuzas la alkoholistojn pri adoro de Lucifero. Alkoholistoj kontraŭe diras, ke Lucifero adoras la alkoholismon.

Puritanismo estas formo de Kristanismo reakcia al alkoholismo. Dum la 20-a jarcento ankaŭ okazis skismo en alkoholismo kiam la profeto Vilĉjo DUOBLAVO fondis novan religion, Alkoholuloj Anonimaj, por kunigi ĝin kun puritanismo. Tamen laŭ alkoholistoj la nova religio estas plena herezo kaj laŭ puritanoj ĝi estas tro fia.

Rilato kun medicino[redakti]

"Hej, amiko, vi ebriegas jam kvin noktojn sinsekvajn. Ĉu vi bonfartas?"

"Ho, kompreneble! Sed mi lernis lastatempe, ke alkoholismo estas malsano."

"Do, kial vi plu drinkas?"

"Por imunigi min."

Vidu ankaŭ[redakti]