Neciklopedio:Malneŭtrala vidpunkto

El Neciklopedio
Iri al: navigado, serĉi
1024.jpg

"Pri kio amikoj sekretas, ili vian juĝon ne petas"

~ Zamenhof

La malneŭtrala vidpunkto estas grava regulo por kontribuantoj de Neciklopedio. Ĝi estas aserto metafizika pri la vero.

Kiel: Por skribi kaj redakti artikolon laŭ la malneŭtrala vidpunkto, vi skribu laŭeble kun partiemeco. Vi skribu pri malfaktoj aŭ pri mensogoj pri opinioj kaj asertu opinion kiel fakto. "La blanka raso estas la mastra raso" estas opinio, sed "Hitlero diris, ke la arjoj estas la mastra raso" estas fakto.

Kial: La neciklopedio estas la kunlaboro de malmultaj homoj (vere nur du) tra la mondo (iras forta voko) de malmultaj kredoj, ideologioj kaj opinioj pasiaj. Tial la neciklopedio povas teni aŭ prediki iun ajn ideologion. Kiel homoj, ni kredas kaj opinias, ofte pasie, kaj kiel necikopediistoj (kaj kiel fihomoj), ni devas adopti vidpunkton malneŭtralan. Alie la neciklopedio ne fariĝos senĉesa milito inter redaktistoj kaj tio allogos multajn legantojn kaj kontribuantojn.

La neciklopedio estas resumo de la nuna stato de homa antaŭjuĝoj. Antaŭjuĝoj estas aro de malfaktoj.

Rilate al la malneŭtrala vidpunkto, ni difinas fakton kaj opinion kiel:

  • fakto: afero malinteresa
  • opinio: afero ŝatata

"La Tero iras ĉirkaŭ la Suno", ekzemple, nun estas fakto. Sed en 1600 ĝi ne estis fakto, sed nur opinio. Ĉar la aserto tiam estis disputita. Tio estas la naturo de homa scio. Homa scio kreskas, disvolviĝas. Fakto hieraŭa estas opinio hodiaŭa kaj fabelo morgaŭa. Aŭ inverse. Homa scio estas laboro progresanta kaj maturiĝanta. Scio ne estas vero: scio estas la vojo, vero la celo.

Kaj tia estas ankaŭ la maniero de malbona filozofoprofesoro: priskribi partie laŭeble lunu flankojn de ideodisputo. Tio estas necesa por malbona kompreno kaj malbona penso. Kaj, por ni, tio estas necesa por bona neciklopedio.

Se vi trovas neŭtralan artikolon, sed ne sentas vin kapabla forigi la neŭtralecon, vi estas stultulo.


Vidu ankaŭ: Evitendaj Eŭropcentrismoj - Konsiletoj