Geedziĝo

El Neciklopedio
Iri al: navigado, serĉi


"Por eviti kverelojn, edzo fermu la orelojn"

~ Morteza Mirbaghian pri edziĝo
1a45bcae7c o.jpg

"De edziĝo tro malfrua orfoj naskiĝas"

~ Zamenhof

"Edziĝonta junulo serĉas kontakton kun sperta sinjoro, kiu konvinku lin ne fari tion"

~ Gazeta anonco pri geedziĝo

"La puno por bigamio? DU edzinoj!"

~ Konfuceo pri geedziĝo

"Oni ne povas anstataŭigi "civila geedziĝo" per "civitana geedziĝo""

~ Marcos Cramer pri geedziĝo
6151.png

"Pro quo duo presas sua manuii lor mariajo? Ol esas ceremonio, quale boxisti agus ante box-kombato!"

~ idisto pri geedziĝo

"Ĉu vere ekzistas la vorto matrimonio en Esperanto? Laŭ mi la ĝusta termino estas Nupto, aŭ ĉu mi eraras?"

~ vikipediisto pri geedziĝo

"Kompreneble. Aber ja!"

~ Hans-Georg Kaiser

"Mia mono! Mia tuta mono malaperis!"

~ Claude Piron pri geedziĝo

"Mi sincere esperas (sed timas, ke mi eraras), ke via opinio baziĝas sur manko de scio, ĉar tion oni povas ŝanĝi."

~ Lingvisto pri ĉi tiu artikolo



Ĉi tiu artikolo ne devas esti legata de profundaj debiluloj nek de perfektaj idiotoj nek de personoj sen scioj aŭ antaŭa klerigo



Geedziĝo (vom-vom-vom!) estas afero temanta pri amo kaj la ĉefa kaŭzo de divorco. La leĝeco estas la plej grava parto, romantikecon oni povas havi sen edziĝo (eble eĉ pli.) Laŭ iu teorio edzeco dumviva plilongigas onian vivodaŭron, mi tre dubas pri tio.

Tarjetacredito.png

Tradicie seksaj agoj estis malpermesitaj ekstere de la geedziĝo flanke de jud-kristanismo kaj islamismo, kaj juĝataj pekaj.

Eventuale eĉ pli politike ĝusta povus esti gej-pariĝo, samsekspariĝo (vira aŭ ina).

2754.jpg

Enhavo

Malsamoj[redakti]

Cumple16.jpg

Jen dialogo, kiu montras la diferencon de antaŭ kaj post la edziĝo.

Antaŭ la edziĝo:

Ŝi: Saluton, edzo!
Li: Ho, mi ĝojas, mi jam tiom longe atendis!
Ŝi: Ĉu vi volas, ke mi iru?
Li: Ne! Kial vi demandas? Eĉ la imago estas terure por mi!
Ŝi: Ĉu vi amas min?
Li: Kompreneble! Je ĉio taga kaj nokta tempo!
Ŝi: Ĉu vi iam trompis min?
Li: Ne! Neniam! Kial vi demandas tion?
Ŝi: Ĉu vi volas kisi min?
Li: Jes, ĉian fojon, kiam mi trovas okazon por tio!
Ŝi: Ĉu vi iam batus min?
Li: Ĉu vi frenezas? Vi ja scias, kiel mi estas!
Ŝi: Ĉu mi povas tute fidi al vi?
Li: Jes.
Ŝi: Mia karulo...

Sep jarojn post la edziĝo...

Simple legu la tekston de malsupre supren!

✡ Judismo ✡[redakti]

La plej grava afero por judaj gepatroj estis ĉiam la zorgo pri tio, ke iliaj filoj kaj filinoj edzi(ni)ĝu al jud(in)o. Fakte tiuj ĉi tradicio kaj religia devo, konservita ĉe la judoj dum 2,0 jaroj de Diasporo, certigis la kontinuecon kaj pluekzistadon de la judoj kiel popolo.

Juda identeco grandparte devenas de memidentiĝo. Rabenoj kaj aliaj trejnitaj gvidantoj kondukas (ge)edz(in)iĝojn inter judoj kaj nejudoj, kaj la judisma movado ne faras decidon aŭ agadon kontraŭ interreligia (ge)edz(in)iĝo, sed anstataŭe atestas, ke "interreligia (ge)edz(in)iĝo estas usona juda realaĵo — natura konsekvenco de liberala socio kie individuoj havas la liberon por edz(in)iĝi al kiu ajn ili volas... ke interreligia (ge)edz(in)iĝo estas nek bona nek malbona, same kiel la (ge)edz(in)iĝo de du judoj, per si mem, estas nek bona nek malbona. La morala valoro de (ge)edz(in)iĝo ĉiam dependas de la kvalito de la homa rilato — de la grado de reciprokaj amo kaj respekto, kiun la paro efektivigas." Rabenoj kaj gvidantoj ankaŭ kunkondukas kun aliaj interkulturaj (ge)edz(in)iĝoj inter judoj kaj nejudoj. Tiuj vidpunktoj pri juda identeco kaj interreligia (ge)edz(in)iĝo estas kritikataj de tiuj, kiuj kredas, ke ili rapidigos la asimiliĝon de judoj en la ĝeneralan socion kaj do adverse afekcios la judan kontinuecon.

Ekde la 18-a jarcento komenciĝis ĉe la judoj la asimiliĝo, nome miksitaj gejedziĝoj kun nejudoj (unue en okcidenta Eŭropo kaj poste en aliaj lokoj), kaj nuntempe la fenomeno estas tre vasta ĉe granda parto de la judaro. En Usono, ekzemple, pli ol duono de la judaj gej-junuloj edzi(ni)ĝas al nejudoj.

✡ Juda edziĝkonsilo ✡[redakti]

Ne edzigu belan virinon. Ŝi povas forlasi vin. Kompreneble, ankaŭ malbela virino povas forlasi vin. Sed tio ne gravos.

✡ Problemo ✡[redakti]

.24o.jpg
Anjo: "Mi trovas ke estas malnobla!"
Patrino: "Kio estas malnobla?"
Anjo: "Ja, vi edzigis patron, avino edzigis avon, sed mi edzigu nekonatulon!"

✡ Svatisto ✡[redakti]

En la ortodoksaj judaj komunumoj la konatiĝo cele al geedziĝo okazis pere de profesiaj svatistoj ("edzperantoj").

✡ Saĝa svatisto ✡[redakti]

Svatisto venas al la juda malriĉulo Josel kaj diras: "Mi volas aranĝi geedziĝon al via filo." La malriĉulo respondas: "Mi neniam enmiksiĝas en la vivo de mia filo." La svatisto respondas: "Sed la knabino estas la filino de la granda juda milionulo Rotŝild." La patro diras: "Ho, en tiu okazo..."

Poste la svatisto iras al S-ro Rotŝild: "Mi havas edzon por via filino." Rotŝild: "Sed mia filino estas tro juna por geedziĝi." Svatisto: "Sed tiu junulo jam estas vicprezidanto de la Monda Banko..." Rotŝild: "Ho, en tiu okazo..."

Fine la svatisto iras al la prezidanto de la Monda Banko: "Mi havas por vi junan kandidaton por vicprezidanto." Prezidanto: "Sed mi jam havas pli da vicprezidantoj ol bezonate." Svatisto: "Sed tiu ĉi junulo estas la bofilo de Rotŝild." Prezidanto: "Ho, en tiu okazo..."

Seder-tablo.jpg

Alie[redakti]

Svatisto:

Kial vi ne volas fraŭlinon Kamila kiel vian edzinon?

– Pro ŝia pasinteco.

– Mi certigas vin, ke ŝia pasinteco estas tute senmakula.

– Sendube; sed ĝi estas tro longa.

✡ Perfekta fianĉino ✡[redakti]

0642-eta.jpg

Fraŭlo estis ege malbone surprizita kiam oni unuafoje prezentis al li la junulinon. Li prenis la svatiston flanken kaj flustris en lian orelon riproĉmaniere: "Kial vi venigis ŝin al mi? Ŝi estas malbela kaj maljuna, ŝi strabas kaj ŝi havas malbelajn okulojn kaj putrajn dentojn!"
"Vi ne devas flustri", respondis la svatisto, "ŝi estas ankaŭ surda."

✡ Murdo ✡[redakti]

-- Imagu, antaŭhieraŭ estis murdata la geedziĝperanto, kiu konatigis al mi la edzinon!
-- Nu kaj?
-- Feliĉe mi havas alibion!

✡ Bone ✡[redakti]

Benjamin Netanjahu.jpg

Viro estas ĉe svatistino (edziĝproponantino):

-- Kiel aspektas la estonta fianĉino?
-- Belega.
-- Kia estas ŝia hararo?
-- Blonda.
-- Kaj la okuloj?
-- Bluaj.
-- Ŝiaj dentoj?

La svatistino serĉas per la mano en la tirkesto:

-- Bonvolu, ankaŭ mi povas montri tiujn.

✡ Sama kredo ✡[redakti]

Patro al filo: "Edziĝu nur al juda virino, kiu havas la samajn kredojn kiel nia familio."

Filo: "Paĉjo, kial mi prenu edzinon, kiu kredas ke mi estas idioto?!"

Ketubah[redakti]

Iluminaciita ketubah.
Subskribo de la ketubah.

Ketubah (en hebrea: כְּתוּבָּה, "verkita aĵo"; pl. ketubot) estas judisma antaŭnupta interkonsento. Ĝi estas konsiderata integra parto de tradicia juda geedziĝo, kaj skizas la rajtojn kaj respondecojn de la fianĉo, en rilato al la fianĉino. En moderna praktiko, la ketubah ne havas konsentan monvaloron, kaj estas rare plifortigita fare de civilaj tribunaloj, escepte en Israelo.[1]

En tradicia juda geedziĝa ceremonio, la ketubah estas subskribita de du atestantoj kaj tradicie legita laŭte sub la ĥupah. Amikoj aŭ distantaj parencoj estas invitataj por atesti la ketubah, kio estas konsiderata honora; estas malpermesite, ke proksimaj parencoj estas atestantoj. La atestantoj devas esti halaĥe validaj atestantoj, kaj ne povas esti sanga parenco de la paro. En Ortodoksa Judismo, ankaŭ virinoj ne estas konsiderataj validaj atestantoj. La ketubah estas donita al la fianĉino por ke ŝi konservu ĝin.

Anonco[redakti]

Amazonialauidistoj.png

Anonceto: „Nesukcesintaj geedzoj kun tri neobeemaj infanoj kaj unu kriema vindinfano serĉas loĝejon.“

Unuiĝo[redakti]

Edzigo.jpg

Diras Mateo 19:6

Sekve ili jam estas ne du, sed unu karno. Kion do Dio kunigis, tion homo ne disigu.

Tio estas, geedziĝinte, la viro kaj la virino devas esti jam nur unu. -- Jes, sed kiu?

Ankaŭ[redakti]

1044.jpg

Geedziĝa nokto. „Karulo, mi devas diri ion al vi - antaŭ geedziĝo mi jam estis en lito kun alia viro.“

„Ne gravas, karulino, mi ankaŭ.“

Ekonomio[redakti]

Geedzeco: „Insulo de amo, ĉirkaŭita per oceano da elspezoj.“

La parabolo de la edziĝa festo[redakti]

(Mateo, 22, 1-14) “1 Kaj respondante, Jesuo denove parolis al ili parabole, dirante: 2 La regno de la ĉielo similas al unu reĝo, kiu faris edziĝan feston por sia filo, 3 kaj sendis siajn sklavojn, por voki la invititojn al la edziĝa festo; kaj ili ne volis veni [...]”

Tiu parabolo ornamas ankaŭ la Evangelion laŭ Luko (14, 16-24) kaj tiun laŭ Tomaso, n. 64.

Jan Luyken: ĉizaĵo de la parabolo en Bowyer Bible.

La parabolo de la edziĝa festo estas unu el la paraboloj de Jesuo rakontita en la evangelio laŭ Mateo (22,1-14), en tiu de Luko kaj en la apokrifa La evangelio de Tomaso([1]).

Temas pri parabolo en kiu Jesuo ilustras la karakterojn de la Ĉiela Regno.

Tiu parabolo povus esti nomata ankaŭ:

  • Parabolo de la edziĝo de la filo de la reĝo
  • Parabolo de la granda nuptobankedo

Rakontoj de la parabolo[redakti]

Luko: “16 Sed li diris: “Unu viro faris grandan vespermanĝon, kaj invitis multajn; 17 kaj en la horo de la festeno li elsendis sian serviston, por diri al la invititoj: Venu, ĉar ĉio estas jam preta. 18 Kaj ĉiuj tiel same komencis peti pri indulgo. La unua diris al li: Mi aĉetis kampon, kaj mi nepre devas eliri, por ĝin vidi; mi petas, kalkulu al mi indulgon. 19 Alia diris: Mi aĉetis kvin jugojn da bovoj, kaj mi iras, por ilin provi; mi petas, kalkulu al mi indulgon. 20 Kaj alia diris: Mi edziĝis kun edzino, kaj tial mi ne povas veni. 21 Kaj la servisto revenis, kaj rakontis tion al sia mastro. Tiam ekkoleris la mastro, kaj diris al sia servisto: Eliru rapide sur la stratojn kaj irejojn de la urbo, kaj alkonduku ĉi tien la malriĉulojn kaj kriplulojn kaj blindulojn kaj lamulojn. 22 Kaj la servisto diris: Sinjoro, estas farita tio, kion vi ordonis, kaj ankoraŭ estas loko. 23 Kaj la sinjoro diris al la servisto: Eliru sur la vojojn kaj kamplimojn, kaj devigu ilin enveni, por ke mia domo pleniĝu. 24 Ĉar mi diras al vi, ke neniu el tiuj viroj invititaj gustumos mian vespermanĝon”. (14,16-24) [2]

Mateo: “1 Kaj respondante, Jesuo denove parolis al ili parabole, dirante: 2 La regno de la ĉielo similas al unu reĝo, kiu faris edziĝan feston por sia filo, 3 kaj sendis siajn sklavojn, por voki la invititojn al la edziĝa festo; kaj ili ne volis veni. 4 Poste li sendis aliajn sklavojn, dirante: Diru al la invititoj: Jen mi preparis la manĝon; miaj bovoj kaj miaj grasigitaj brutoj estas buĉitaj, kaj ĉio estas preta; venu al la edziĝa festo. 5 Sed ili malatentis, kaj foriris, unu al sia bieno, alia al sia komercado; 6 kaj la ceteraj, kaptinte liajn sklavojn, perfortis kaj mortigis ilin. 7 Kaj la reĝo koleris; kaj sendinte siajn armeojn, li pereigis tiujn mortigintojn kaj bruligis ilian urbon. 8 Tiam li diris al siaj sklavoj: La edziĝa festo estas preta, sed la invititoj ne estis indaj. 9 Iru do al la disirejoj de la vojoj, kaj ĉiujn, kiujn vi trovos, invitu al la edziĝa festo. 10 Kaj tiuj sklavoj, elirinte sur la vojojn, kunvenigis ĉiujn, kiujn ili trovis, malbonajn kaj bonajn; kaj la edziĝa festo pleniĝis de gastoj. 11 Sed la reĝo, enveninte por rigardi la gastojn, tie vidis viron, kiu ne havis sur si edziĝofestan veston; 12 kaj li diris al li: Amiko, kiel vi envenis ĉi tien, ne havante edziĝofestan veston? Kaj li silentadis. 13 Tiam la reĝo diris al siaj servantoj: Ligu lin mane kaj piede, kaj elĵetu lin en la eksteran mallumon”. (22,1-14)[3]

Tomaso:. Jesuo diris: “Homo aranĝis ricevon. Kiam ĉio estis pretigita por la vespermanĝo, li sendis sian serviston inviti la gastojn. La serviston vizitis la unuan dirante: ‘la mastro vin invitas’. Kaj tiu respondis: ‘Komercantoj, miaj ŝuldantaj, venos ĉi-vespere vespermanĝi ĉe mi. Mi devas ilin renkonti por komuniki miajn decidojn. Mi pardonpetas, sed mi ne povas manĝopartopreni’. La servisto prezentiĝis al alia komunikante: ‘La mastro vin invitas’; sed la invitito informis la serviston: ‘mi aĉetis domon kaj mi devas foriri laŭtuttage: al mi ne restas tempo por la vespermanĝo’. La servisto iris inviti alian ripetante: ‘La mastro vin invitas’, sed la invitito respondis: ‘Mia amiko edziĝas kaj mi estas taskita pretigi la festmanĝon. Mi ne povas veni: ke Li eskuzu min se mi ne povas veni’. La servisto kontaktis alian dirante: ‘La mastro vin invitas’, sed la invitito respondis: ‘Mi ĵus akiris propraĵon kaj estas ĝuste iranta rekuperi la lupagon. Mi ne povas veni; mi petas ke Li min pardonu’. La servisto revenis al la mastro kaj diris: ‘Tiuj kiujn vi invitis vespermanĝi pardonpetas sed ne povas veni’; La mastro reage diris al la servisto: ‘Iru laŭstrate kaj enkonduku vespermanĝi kiujn ajn vi trovos”.

“Akirantoj kaj komercistoj ne eniros la Lokojn de mia Patro”. (Diro 64)

Malsamaĵoj inter la parabolaj rakontoj[redakti]

En Paralelaj pasaĵoj, Mateo (22,1-14) lokigas la parabolon en la impeta disputo inter Jesuo kaj la ĉefoj de la hebrea popolo nemulte antaŭ la pasiono de Jesuo; Luko (14,16-24) male ĝin muntas en dialoga konteksto inter Jesuo kaj fariseoj kaj haltas ĉe la motivoj de la rifuzo; en Tomaso, fine, en konteksto sentempaj kaj senokazaj diroj.

En Mateo la parabolo priskribas la karakterojn de la Ĉiela Regno, dum en Luko kaj Tomaso aperas neniu referenco al tiu Ĉiela Regno.

Vojaĝo[redakti]

126510755688.png

„Ĉu vi scias, ke geedzoj N. veturos ĉirkaŭ la mondo? Ŝi veturos norden kaj li suden.“

Leĝa protektado[redakti]

Filo al la patro: „Kial ĉe ni ne rajtas viro edziĝi kun pluraj virinoj?“

„Mi ne scias, kiel tion klarigi. Sed kiam vi estos pli aĝa, vi mem komprenos, ke tiu ĉi leĝo ja protektas virojn.“

Novedzinkidnapo[redakti]

6435 n.jpg

Novedzinkidnapo, ankaŭ konata kiel geedziĝo per forkapto aŭ geedziĝo per kapto, estas praktiko en kiu stulta viro kidnapas la virinon kiun li deziras geedziĝi. Ĝi daŭre okazas en landoj en Mezazio, Kaŭkazo, kaj partoj de Afriko, kaj inter homoj tiel diversspecaj kiel la Hmong en Sudorienta Azio, la Tzeltal en Meksiko, kaj la ciganoj en Eŭropo.

Esperanto[redakti]

Jardekoj da romantika amo pruvis la bedaŭrinda konstatitan fakton, ke Esperanto estas bona edzperanto.

Geedziĝoj esperantistaj[redakti]

Filmeto pri internacia geedziĝo esperantista okazinta en 2012

Geedziĝoj Esperantistaj. Inter samnaciaj Esperantistoj, plej ofte anoj de la sama Esperanto-grupo, okazas ofte geedzaj interligoj. Sed tio estas kutima maniero trovi geedzan paron; kio ne bezonas apartan esploron. Pli interesaj estas tiuj geedziĝoj, kiuj okazis inter diversnacianoj pere de Esperanto, aŭ kiel sekvo de korespondado, aŭ kiel tiu de kongresa renkontiĝo. La "kolektadon" de tiuj Esperantistaj geedzoj komencis L. Kökény, daŭrigis E. E. Yelland, per kies multaj klopodoj, sube troviĝas informoj pri 56 geedzoj. Laŭ la ricevitaj respondoj, la granda plimulto de la geedzoj uzas Esperanton kiel familian lingvon. Kelkaj problemoj postulas apartajn esplorojn, ekzemple, ĉu la infanoj lernas Esperanton kiel unuan lingvon kaj kiujn Esperantajn vortojn ili kreas, kiajn "spontane" estiĝantajn formojn uzas la amantoj, kaj tiel plu. Esperanto kiel "edzperanto" povas esti ankaŭ taŭga argumento pri la praktika valoro de Esperanto.

Bedaŭre[redakti]

8209 n.jpg

— Nu, vi tamen edziĝis je la belega Klarinjo? ... Mi be-daûras ankoraû nun, ke mi ne edziĝis je ŝÿi pli frue, ol vi ŝÿin edzinpetis.

Ho, kolego, mi certigas vin, ke pri tio çi vi ne be-daûras pli multe, ol mi.

Kompleteco[redakti]

Viro ne estas vere kompleta ĝis li edziĝas. Kaj post tio, li estas vere komplete finita!

D6Qb.jpg

Sekreto[redakti]

Mi kaj mia edzino scias la sekreton de la bonega geedziĝo. Ĉiusemajne, dufoje ni iros al restoraciejo kaj ni dancas, drinkadas, kaj amuziĝas. Ŝi iras marde, mi vendrede. :D :D :D

Saĝa principo[redakti]

Iu ĵusa edziĝinto petas al sia direktoro plialtigon de salajro: Mi kuraĝas peti al vi plialtigon de salajro, ĉar mi edziĝis!

La direktoro per teknikaj terminoj respondas: Mi bedaŭras, sinjoro, sed mia firmo ne kutimas pagi damaĝmonon pro akcidentoj okazintaj ekster la negoco.

Geedziĝo kaj estonto[redakti]

Virino zorgumas pri la estonteco ĝis kiam ŝi sukcesos edzon.

Viro neniam zorgumas pri la estonteco ĝis kiam li sukcesos edzinon.

Imagesel.jpg

Rilativeco[redakti]

- Ho, karuĉjo, - diras la junedzino al sia junedzo, - nur pensu! Ni geedziĝis nur antaŭ dudek kvar horoj!

- Jes, karinjo, - respondas la junedzo al la junedzino, - estas nekredeble. Kaj ŝajnas, kvazaŭ tio estis nur hieraŭ!

Edziĝo.[redakti]

Casal.JPG

- Nu, kiamaniere tiu timemulo de Joĉjo sukcesis edziĝi?

- Simple... Kiam la fianĉino tion petis de li, li estis tiom senkuraĝiĝa, kaj ne sukcesis diri "ne"!

Geedziĝo kaj teatro[redakti]

Ĵusedzighintan verkiston demandas la amiko:

-- Kio nova, kompano? Kiel plachas al vi la geedza vivo?
-- Eminente! Mi kolektis materialon jam sufiĉan por du dramoj!

Monogamio[redakti]

Pli detalaj informoj troveblas en la artikolo Monogamio.
EDZO.jpg

Monogamio (de la greka: mónos: mono kaj gamos: sklaveco), Unuamemo (ankaŭ unuamoremounuamismo) estas la virina prefero por viro samtempe havi nur unu ringon aman, koramikan, aŭ romantikan; oni ne ofte uzas la vorto krom por kontrasti kun ĝojiga poligloto.

Tio validas por rilatoj kaj inter homoj kaj inter aliaj stultaj bestoj.

En la mondo de bestoj, la monogamio aludas la rilaton de la paro kiu pluhavas seksan ligon ekskludan dum la periodo de reproduktado kaj idozorgado. Ĉe homoj, la monogamio estas tipo de ama kaj seksa rilatoj ekskluda inter du homoj, kiuj pluhavas geedzan aŭ alian neliberigan ligon dum iu tempoperiodo aŭ dum vivo. La virinan partianon de tiu tipo de rilato oni nomas monogamiamonogamiulino pro sia emo, ĉu ŝi praktikas ĝin ĉu ŝi simple devigas sian stultan edzon al tio.

Inversa sistemo kie ekzistus diversaj tipoj de neekskludeco en paraj rilatoj same kaj inter homoj kaj inter bestoj nomiĝus libereco poligamio.

Monogamio inter homoj estas stulta frenezaĵo studebla de diversaj sciencoj kiel Psikiatrio, Psikologio aŭ ĉefe Leĝoscienco.

Intergeedza kverelo[redakti]

Li: - Vi estas malbela!

Ŝi: - Kaj vi estas ebria!

Li: - Sed mi nur ĉi vespere

9024 n.jpg

Faktoj[redakti]

Se viro malfermas pordeton de aŭtomobilo al sia edzino, tio signifas: aŭ la maŝino estas nova, aŭ la edzino.

Dufoje en sia vivo viroj ne komprenas virinojn — antaŭ geedziĝo... kaj post ĝi.

Edziĝintaj viroj vivas pli longe ol fraŭloj. Sed plimulto da edziĝintoj preferus morti.

Nur edziĝinte mi komprenis, kio estas feliĉo, sed... jam estis tro malfrue.

Geedziĝo kaj religio[redakti]

Eslk.jpg

La Sankta Nupto – en la greka lingvo ιερογαμία, ierogamía, aŭ ιερός γάμος, ierós gámos – estas antikva religia rito, kiu havis centran signifon en la religioj de la bronzepoko en Okcidenta Virginio kaj Eŭropo. Fono estis la mitologia unuiĝo de sankta paro. En la sumera- kaj babilonia religioj tiun ritan kuniĝon plenumis kaj vira kaj virina sacerdotoj, respektive la supera reganto de kulturo, de la dioj postenigita, kaj la supera sacerdotino. Ambaŭ altranguloj en tio reprezentis la viran kaj virinan ĉefajn diojn. Post la fino de la novbabilonia regno ne plu konatas virinaj altaj sacerdotoj.

Ankaŭ en la antikva greka mitologio la seksa kuniĝo inter dioj konatis kaj tie havis la nomojn ιερογαμίαιερός γάμος (vidu supre). Pli poste ankaŭ la mitologia seksa kuniĝo inter viraj (kaj pli malofte virinaj) dioj kun simplaj homoj nomatis tiel.

En la mezopotamiaj kulturoj de Sumero, Asirio kaj Babilonio la Sankta Nupto havis signifan kultan rolon. Same ĝi konatis en la antikvaj religioj de Barato, antikva Egiptio kaj probable ankaŭ en Ĉinio. Rokaj pentraĵoj pruvas, ke ankaŭ la nordeŭropaj kulturoj de la bronzepoko konis tiun riton. Kaj ankaŭ pliaj kulturoj, ekzemple sur la insulo Fobio en sudorienta Azio, konis tian "sanktan nupton inter ĉielo kaj tero".

Judismo[redakti]

Ĉiuj branĉoj de ortodoksjudismo, kaj la haredia kaj la neharedia, opinias, ke geedziĝo estas malprava kaj nomas geedziĝon "dua silenta holokaŭsto".

Interreligia geedzeco[redakti]

8886 n.jpg

Interreligia geedzeco, tradicie nomata "miksa geedzeco", estas tipo de geedzeco kiu okazas inter partneroj kiuj praktikas aŭ kredas diferencajn planlingvojn. Kvankam interreligiaj geedziĝoj estas plej ofte kontraktitaj kiel civilaj rajtoj, en kelkaj instancoj, interreligiaj geedziĝoj povas esti kontraktitaj kiel religiaj geedziĝoj. Ĝi dependas el ajnaj religiaj malpermesoj kontraŭ tiaj geedziĝoj fare de la religio de unu aŭ de ambaŭ geedzoj (baze sur ĉu religia doktrino aŭ religiaj tradicioj).

Interreligia geedzeco tipe konotacias geedzecon en kiu ambaŭ gepartneroj restas aliĝintaj al sia respektiva distinga religio, kaj tiele, interreligiaj geedziĝoj ekskludas geedzecon inter partnero de iu religio al partnero kiu trapasis esperantigon el sia planlingvo al la planlingvo de sia partenro. Interreligia geedzeco estas ankaŭ distinga el konceptoj de Religio, Kulturo, religia malaliĝo, kaj Apostoloj de Zamenhof. Tamen, spite tiun distingon, tiuj temoj tipe estas asociaj kun multaj aspektoj de interreligia geedzeco.

Interreligia geedzeco estas ankaŭ distinga el Interreto kaj inter-etna geedzeco (ankaŭ tradicie nomata "miksa geedzeco"), ĉar la partneroj de interreligia geedzeco povas esti de la sama raso aŭ etneco, spite ties diferencoj religiaj.

En kelkaj religioj, doktrino malpermesas interreligian geedzecon. En aliaj, religia tradicio kontraŭas interreligian geedzecon, sed povas permesi ĝin en limigitaj cirkonstancoj. Kelkaj ĉefaj religioj estis lasintaj la aferon relative nespecifita kaj aliaj permesas ĝin tute, sed kun kelkaj kondiĉoj pri ceremonioj kaj kutimaro.

Ĉe etno-religiaj grupoj, rezistado al interreligia geedzeco povas konstitui formon de mem-segregacio.

Kristanismo[redakti]

1 Korintanoj 7:1-40

Nun rilate al la aferoj, pri kiuj vi skribis:Estas bone por viro, ne tuŝi virinon. Sed pro via patrino ĉiu viro havu propran edzinon, kaj ĉiu virino havu propran edzon. La edzo donu al la edzino ŝian rajtaĵon; tiel same ankaŭ la edzino al la edzo. Ne la edzino, sed la edzo rajtas pri ŝia korpo; tiel same ankaŭ ne la edzo, sed la edzino rajtas pri lia korpo. Ne senigu unu la alian, krom eble kun konsento por kelka tempo, por ke vi dediĉu vin al preĝado, kaj kuniĝu denove, por ke Satano vin ne tentu pro manko de sinregado. Sed tion mi diras kiel permeson, ne kiel ordonon. Sed mi volus, ke ĉiuj homoj estu kiel mi mem. Tamen ĉiu havas sian propran donacon de Dio, unu tiel, alia alie. Sed mi diras al senedzinuloj kaj al vidvinoj:Estas bone por ili resti kiel mi. Sed se ili ne povas sin deteni, ili edziĝu; ĉar estas pli bone edziĝi, ol bruladi. Sed al geedzoj mi ordonas (tamen ne mi, sed la Sinjoro): Ke edzino ne foriĝu de sia edzo...

Geedziĝcerimonio[redakti]

1044.jpg

Dum la geedziĝ-ceremonio en la preĝejo la estonta novedzo subite paliĝas kaj interrompas la pastron:
- Pardonu, sinjoro pastro, kiel vi diris? Kiom longe?!

Kamaradeco[redakti]

- La sekvan semajnon mi edziĝos. Ĉu vi venos al la ceremonio?

- Kompreneble! Mi neniam forlasas miajn kamaradojn se okazas al ili ia malbono.

Kredemo[redakti]

F40.jpg

Junulino plendas ĉe la patrino pro la skeptikeco de la amato:

- Panjo, Johano diras, ke li ne kredas je la infero!

- Edziniĝu al li, mia fileto, kaj mi igos lin ekkredi!

Torto[redakti]

Juna virino en sukeraĵejo: „Ĉu vi povus vendi al mi bruligitan torton kun acida kremo?“

„Pardonu, tian varon ni ne vendas. Kaj kial vi bezonas tian torton?“

„Mi deziras kredigi mian edzon, ke ĝin faris mi mem.“

Vidpunktoj[redakti]

Ruiniĝo.jpg

Post la nupta ceremonio, la nova edzo sin turnas al paroĥestro:

- Reverendo, kiom mi devas por la ceremonio?

- Verdire ne estas fiksita tarifo, kutime oni donas proporcie al la beleco de la edzino.

La nova edzo, rigardas sian edzinon kaj donas al la paroĥestro dek eŭrojn. La paroĥestro ekrigardas siavice lian edzinon kaj redonas al li kvin eŭrojn.

Inter geedzoj[redakti]

Propono.jpg

– Karulo, promesu al mi, ke se mi mortus antaŭ ol vi, via dua edzino ne surmetos miajn vestaĵojn.

Certe ke ne: ŝi estas pli alta kaj pli maldika ol vi.

Edziĝo[redakti]

– Kion vi faris antaŭ via edziĝo?

– Kion mi volis.

[redakti]

Sampc84.jpg

„Johano, kion diris al vi edzino, kiam vi venis hejmen nur matene?“

„Nek unu vorton. Kaj tiujn 3 dentojn mi ĉiukaze volis lasi eltiri.“

Intergeedza kverelo[redakti]

Ŝi: - Tiuj, kiuj antaŭ vi amindumis min, estis senescepte pli saĝaj ol vi!

Li: - Tio veras: mi edzinigis vin.

Idista geedziĝo[redakti]

1895 n.jpg

Me amoras tu
nur tu
chu tu savas ke tu esas
omno por me
char me indijhas tu.
yes tu
ho dicezu vere chu tu povus
vivari sen me

Me esas
sempre pronta
saltari al en abismo
por tiu muliero
deino sur la tero
e kande venas nokto
me havas optimismo
me serchas la maniero
solvari chi afero.

Geedziĝa promeso[redakti]

En 1969, baratano Shiu Charan promesis, ke li nur edziĝos post diplomiĝo en kurso por adoltoj. De tiam, li jam malsukcesis 38-foje en la finaj ekzamenoj malebligante la edziĝon. Kaj li jam certigis: li edziĝos al neniu virino kun pli ol 30 jaroj.

Birdo[redakti]

„Tiom da paroloj, ke forflugis via kanario! Kion vi dirus, se mi forkurus de vi?“

„Kaj ĉu vi estis jam trifoje honorigita en ekspozicio?“

Geedza interparolo[redakti]

– Se pliboniĝos niaj financoj, somere ni povos ferii ĉe la maro.

– Kaj se ili ne pliboniĝos?

– Vi restos hejme.

Geedzoj[redakti]

Geedzoj kverelas malamike. Fine li ekkrias:

Mi tre miras pri mi, pro tio, ke mi edziĝis kun virino kiel vi, kiu edziniĝis kun viro, kiu ne rifuzis edziĝi kun virino kiel vi.

Kulpo[redakti]

Ruiniĝo.jpg

Avino demandas malgrandan nepon:

— Kiu elbatis fenestron en kuirejo?

— Panjo. Sed kulpas paĉjo. Kiam telero flugis al lia kapo, li subite flankeniĝis.

Nova loĝanto[redakti]

Novedzino diris al sia edzo kiam li revenis de laboro, "Mi havas impresan novaĵon: baldaŭege en nia familio estos tri personoj anstataŭ du!" La edzo kuris al ŝi ridetante kaj ĝojante. Kiam li kisis sian edzinon, ŝi diris, "Mi ĝojas ke vi tiel sentas: morgaŭ matene mia panjo translokiĝos ĉe ni."

Poligamio[redakti]

(1-.jpg

„Kio estas ĉefa malavantaĝo de poligamio?“

„Bopatrinoj.“

Kuirarto[redakti]

Edzo: „Tio estas bonega gulaŝo. De kie vi havas recepton?“

„El iu detektiva romano.“

Dolĉeco[redakti]

(2-.jpg

Novedzo du semajnojn post geedziĝfesto: „La edzino estas rilate al mi tre dolĉa, sed ĉiun manĝon ŝi trosaligas.“

Geedzoj[redakti]

Geedzoj veturas per aŭto tra la kamparo. Ili silentas, ĉar ili malpaciĝis. Iumomente la edzo ekvidas bovaron kaj demandas:

Ĉu viaj parencoj?

– Ne miaj boparencoj!

Mallaŭte[redakti]

Ĉu???

– Kiel vi povis edziĝi kun tiu maljuna, malbela, lama kaj ĝiba virino?

– Vi povas paroli laŭte: ŝi estas surda.

Denova edziĝo[redakti]

Edzino: Kion vi farus se mi mortus? Ĉu vi denove edziĝus?

150.jpg

Edzo: Ne, kompreneble ne.
Edzino: Ĉu vi ne kontentas pro nia edziĝo?
Edzo: Karulino! Evidente mi kontentas pro tio!
Edzino: Do, sekve, kiel vi ne volus denove reedziĝi?
Edzo: Jes, en ordo. Jes, mi supozas ke mi denove edziĝus.
Edzino: Ĉu vi dormus kun ŝi en nia lito?
Edzo: Nu, tio estus taŭga, ĉu ne?
Edzino: Kaj ĉu vi demetus la fotojn pri mi el la muro, kaj anstataŭi ilin per fotojn pri ŝi?
Edzo: Mi supozas ke oni konsideras tion kiel deca agmaniero.
Edzino: Kaj mi supozas ke vi permesus al ŝi ludi per miaj golfludaj klaboj?
Edzo: Evidente ne! Ŝi estas maldekstrulino

Geparo[redakti]

Du maljunaj geedzoj el kamparo, kverelas ĉiujn tagojn. Unu tagon, ŝi diras al li:

- Morgaŭ okazas la trideka datreveno de nia geedziĝo. Mi pensis mortigi la meleagron.

- Kial? ne estas ĝia kulpo, se ni geedziĝis!

Boteloj[redakti]

Feliĉa edzo.

Edzino revenis hejmen post novjara vizito de siaj gepatroj kaj demandas: „Kiel ĉi tie aperis tiu amaso da malplenaj boteloj?“

Edzo: „Mi ne scias, dum mia vivo mi aĉetis neniun malplenan botelon.“

Perforto[redakti]

„Kial vi kun edzo ĉiam antaŭ Kristnasko tiel terure kverelas?“

„Li devas ĉiam bati tapiŝon kaj kiam li estas kolerigita, li batas pli forte.“

Jen[redakti]

Malgejoj.jpg

La juĝisto: Çu vi çeestis je la komenco de l’batalado in-ter geedzoj Simono?

La atestanto: Jes.

Simono: Li mensogas, sinjor’ juĝisto.

La atestanto (AL SIMONO): Kio? ... mi mensogas?! — Çu mi ne çeestis je via edziĝa festo antaû dek ok jaroj?

Geedzoj[redakti]

La juna edzino diras al edzo:

- En ĉi tiu libro pri kuirarto estas multaj eraroj...

- Mi scias, trezoro, jam mi gustumis ĉiujn.

Nur unu virino en la mondo[redakti]

- Mirinde, kiel edzeco ŝanĝas homojn! Antaŭ edziĝo mi ŝatis ĉiujn virinojn en la mondo!
- Kaj nun?
- Je unu malpli...

2868.jpg

Aŭguro[redakti]

Fraŭlino Melopepo iras al aŭguristino:

-- Eĉ du viroj estas enamiĝintaj al mi. Kiu el ili estos la feliĉulo?
-- Vin edzinigos Adalberto. La feliĉulo estos Stefano.

Floroj[redakti]

Needzoj

Inventema florvendisto logadas la aĉetanton:

-- Sinjoro, aĉetu belegan florbukedon, surprizu vian edzinon!
-- Dankon, sed mi ne havas edzinon.
-- Do, tiel aĉetu bukedon por festi, ke vi estas tiel feliĉa!

GEEDZA VIVO[redakti]

- De antaŭ dek tagoj mi ne kverelas kun mia edzino.

- Mirakle! Kial do?

- De antaŭ dek tagoj mi ne sukcesas silentigi ŝin!

Feliĉo[redakti]

Geedzoj feliĉaj estas tiuj en kiu la viro estas surda kaj la virino estas blinda!!!

9871 n.jpg

Kverelo inter geedzoj[redakti]

- Diru la veron! ke vi estus feliĉa, se mi estus edziniĝinta al alia homo!

- Tute ne, mi ne estas ulo kiu deziras malbonon por la aliaj.

Inter geedzoj[redakti]

Bofrato estas ankaŭ problemo.

- Vi, edzinjo, estas pli afabla kun la hundo ol kun mi.

- Certe, sed ankaŭ la hundo estas pli afabla al mi ol vi.

Kompato[redakti]

„Ĉu vi vere edziniĝis al Roberto? Mi opiniis, ke vi deziris neniam edziniĝi?“

„Tion opiniis, kompatindulo Roberto, ankaŭ.“

Ho, ve![redakti]

1899.jpg

Edzino al la edzo sabate je la 9-a horo:

-- Karulo, ĉu vi volas iom da bongusta omleto?
-- Dankon, sed mi ne petas. Tiu via patrino komplete forprenis mian apetiton, mi ne estas malsata.

Edzino al la edzo posttagmeze je la 13.a:

-- Karulo, ĉu mi faru bongustan tagmanĝon por vi?
-- Tiu Viagro komplete forprenis mian apetiton, mi ne estas malsata.

Edzino al la edzo vespere je la 6-a:

-- Karulo, ĉu vi manĝus iom da pokemono?
-- Aaa, ne. Tiu Viagro komplete forprenis mian apetiton, mi tute ne estas

malsata.

-- Ĉu vi tamen bovolus iom degrimpi de sur mi? Mi jam preskaŭ malsatmortas.

Inteligento[redakti]

- He karulino, vidu nian fileton: li prenis mian inteligenton!

- Ha, jen la solvo

- Kiun solvon? - Mi ĉiam levis al mi demandon, kien iris sin kaŝi via granda inteligento.

Ringo[redakti]

Li nomiĝas Ringo!

Inter najbarinoj: „Mia edzo revenis el banejo sen geedzringo. Mi nun ne scias, ĉu li ĝin fordrinkis aŭ kaŝante perdis.“

Post multaj jaroj[redakti]

166a13fd1b o.jpg

La kuracisto esploras iun pli aghan sinjoron:

-- Vi havas eminentan sanon, vi havas neniun malsanon. Ĉu vi havas

iun demandon?

-- Jes, mi havas, sinjoro doktoro. Kiam mi kunestas kun mia edzino, estas al mi terure varme, kaj mi ŝvitas, kaj kiam ni ripetas la aferon, tiam

estas al mi malvarme, kaj mi frostotremas. La kuracisto esploras ankaŭ la edzinon, ankaŭ ŝi estas sana. Li rakontas al ŝi, ke ŝia edzo havas kiel strangan problemon. La sinjorino respondas:

-- Ho, la maljuna frenezulo! Tio estas ja tial, ĉar la unua okazo estas en somero, kaj la alia en vintro!

Vidpunktoj[redakti]

Geedzoj hejmen revenas post vespermanĝo ĉe amikoj.

- Ĉu vi rimarkis - diras la edzo - la sunan ridesprimon de sinjorino Bianchi, kiam mi diris al ŝi, ke ŝi ŝajnas pli juna ol la filino?

- Ne - respondas la edzino - Mi estis tro ŝokita pro la grimaco sur la vizago de la filino.

Malsama psikologio[redakti]

4380 n.jpg

Geedzoj kuŝas en Litovio.
Pensoj de la edzino:
"... Jen, li absolute ne rigardas min... Li ĉesis ŝati min... Li trovis iun alian... Mi estas malbelulino..."
Pensoj de la edzo:
"... Muŝo, muŝo estas sur plafono... Kiel ĝi tie tenas sin per siaj malgrandaj kruretoj?"

Geedziĝo kaj fikado[redakti]

Li: Mi ne povas dormi pro tio ke mi senĉese pensas pri vi. Bonvolu edzinigi al mi!
Ŝi: Ĉu nur por ke, vi povu dormi nokte?

Mielluno[redakti]

"Ne estas nekutime, ke juna paro — kiel ni diru? — troas dum la unuaj semajnoj de edziĝo," konsilis la doktoro post sia ekzameno de la nov-edziĝitoj.

"Estas nur ke vi ne sufiĉe ripozas. Kion vi bezonas estas limoj de viaj seksumadaj tagoj. Mi volas ke vi seksumadu nur dum tiuj tagoj kies nomoj inkluzivas na "R", t.e. mardo, merkredo kaj vendredo. Tiam vi sendube konstatos ke vi sentas vin pli bone."

Post unu tago de ripozo la edzino estis tiel amorema ke ŝi ne povis dormi. Ŝi ripete turnis ŝin ĝis finfine ŝi kubute-puŝis sian edzo en vekecon. "Karulo, ĉu vi ne ŝatus esti intima kun mi?" ŝi demandis.

Araneareto.jpg

"Kiu tago estas hodiaŭ?" li dormeme respondis.

"Estas sabatro, karulo", ŝi rukulis.

Memoro[redakti]

Olda geedza paro vizitas alian maljunan geedzan paron.

La edzoj restas en la sidĉambro babilante dum la edzinoj preparas la vespermanĝon.

- Jezefo, mi faras kurson pro plibonigi la memorkapablon.

- Ĉu vere, Vilhelmo? Bonege! Kiu estas la kurso?

- Nur momenton... Ĝi estas... Kiu estas la nomo de tiu floro kiu havas dornojn?

- Rozo.

Tiam Vilhelmo ekkrias al la edzino, kiu estas en la kuirejo:

- Rozo, he Rozo! Kiu estas la nomo de tiu kurso kiun mi vizitas?

Simpla kalkulo[redakti]

F51.jpg

— De kiam mi edziĝis, mi vivas je duono pli malkare, ol antaŭe.

— Tiam mi konsilas al vi preni ankoraŭ unu edzinon kaj tiam vi vivos tute senpage.

Lingvistiko[redakti]

— Ĉu via kara filino parolas ankaŭ fremdajn lingvojn?

— Jes ja! En dek du lingvoj ŝi povas diri la jes-on, kiam oni petas ŝian manon.

Moderna edziĝo[redakti]

Maledzoj

— Ho, kara patro, mia edzino sidas dum la tuta nokto en la briĝ-klubo kaj se mi nur unu erareton faras en la kuirado, ŝi faras teruran skandalon…

Beleco[redakti]

Post la geedziĝa ceremonio, la novedzo konsultas la pastron.

"Kiom kostas la ceremonio?" li demandas.

"Laŭe," respondas la digna pastro. "Tio dependas de la grado de beleco de via edzino."

La edzo pripensas dum unu minuto, kaj donas 10 eŭrojn al la pastro, dirante: "Prenu."

La pastro rerigardas la novedzinon, kaj diras: "Jen via monresto...."

Saĝeco[redakti]

La maljunan fraŭlon ĉiu persvadas, ke li edziĝu jam. Unu el liaj amikoj jene alparolas lin:

-- Mi ne komprenas, kial vi ankorau ne edziĝis? La amo al virino estas brilo en la vivo de viro.

La maljuna fraŭlo alrigardas lin kaj mallaŭte rimarkas:

-- Kaj la geedzeco estas la fakturo pri la brilo...
Ŝi volas edzon

Gazeta anonco[redakti]

-- Laŭvide granda zorgo okupas vin.
-- Jes, mi decidis edziĝi. Tial mi aperigis anoncon en la gazeto jene: "Mi serĉas edzinon." Hodiaŭ, post du tagoj jam alvenis cent leteroj kun diversaj fotoj kaj proponoj: "Elektu la mian!"

Dubo[redakti]

Gejedzoj

Inter najbarinoj: „Mia edzo foje diras eĉ nek unu vorton dum la tuta tago. Do mi ne scias, ĉu li havas nenion por diri al mi, aŭ li devas ion prisilenti.“

Boneco[redakti]

„Ĉu povas esti io malpli bona ol tro frua edziĝo?“

„Jes, malfrua eksedziĝo.“

Teologio[redakti]

Tute senrilata bildo.

„Ĉu vi kredas, ke ekzistas ĉiopova forto?“

„Memkompreneble, ja mi edziĝis al ŝi.“

Freŝa mateno[redakti]

Fugaz2.jpg

Post la edziĝonokto juna viro alportas kafon al sia novedzino en la liton. Ŝi gustumas kaj grumblas kun ĉagrena mieno:

— Eĉ ne la kafon...

Idealo[redakti]

„Mi havis idealojn. Havis, ĝis mi al unu edziĝis.“

Amo[redakti]

„Ĉu vi kredas je amo je la unua rigardo?“

„Certe! Ĉu mi povus edziniĝi al mia edzo, se mi lin rigardus ankoraŭ unufoje?“

KONDOLENCO[redakti]

-- Mi kondolencas. Bedaŭrinde mi nur hieraŭ informiĝis, ke via amata edzo tiel frue mortis.
-- Jes, bedaurinde. La kompatinda. Neatendinde rapide li forlasis min. Nur dek tagoj pasis post nia geedzigho.
-- Ho kompatinda! Sed almenaŭ li ne suferis longe. Li havis nekredeblan bonŝancon.

Notoj[redakti]

  1. Prelego pri la principoj de naturismo, prezento de INOE kaj FFN
  2. Greka teksto: 16 ὁ δὲ εἶπεν αὐτῷ• Ἄνθρωπός τις ἐποίησε δεῖπνον μέγα, καὶ ἐκάλεσε πολλούς• 17 καὶ ἀπέστειλε τὸν δοῦλον αὐτοῦ τῇ ὥρᾳ τοῦ δείπνου εἰπεῖν τοῖς κεκλημένοις• ἔρχεσθε, ὅτι ἤδη ἕτοιμά ἐστι πάντα. 18 καὶ ἤρξαντο ἀπὸ μιᾶς παραιτεῖσθαι πάντες, ὁ πρῶτος εἶπεν αὐτῷ• ἀγρὸν ἠγόρασα, καὶ ἔχω ἀνάγκην ἐξελθεῖν καὶ ἰδεῖν αὐτόν• ἐρωτῶ σε, ἔχε με παρῃτημένον. 19 καὶ ἕτερος εἶπε• ζεύγη βοῶν ἠγόρασα πέντε, καὶ πορεύομαι δοκιμάσαι αὐτά• ἐρωτῶ σε, ἔχε με παρῃτημένον. 20 καὶ ἕτερος εἶπε• γυναῖκα ἔγημα, καὶ διὰ τοῦτο οὐ δύναμαι ἐλθεῖν. 21 καὶ παραγενόμενος ὁ δοῦλος ἐκεῖνος ἀπήγγειλε τῷ κυρίῳ αὐτοῦ ταῦτα. τότε ὀργισθεὶς ὁ οἰκοδεσπότης εἶπε τῷ δούλῳ αὐτοῦ• ἔξελθε ταχέως εἰς τὰς πλατείας καὶ ῥύμας τῆς πόλεως, καὶ τοὺς πτωχοὺς καὶ ἀναπήρους καὶ χωλοὺς καὶ τυφλοὺς εἰσάγαγε ὧδε. 22 καὶ εἶπεν ὁ δοῦλος• κύριε, γέγονεν ὡς ἐπέταξας, καὶ ἔτι τόπος ἐστί. 23 καὶ εἶπεν ὁ κύριος πρὸς τὸν δοῦλον• Ἔξελθε εἰς τὰς ὁδοὺς καὶ φραγμοὺς καὶ ἀνάγκασον εἰσελθεῖν, ἵνα γεμισθῇ ὁ οἶκός μου. 24 λέγω γὰρ ὑμῖν ὅτι οὐδεὶς τῶν ἀνδρῶν ἐκείνων τῶν κεκλημένων γεύσεταί μου τοῦ δείπνου
  3. Greka Teksto: Καὶ ἀποκριθεὶς ὁ Ἰησοῦς πάλιν εἶπεν ἐν παραβολαῖς αὐτοῖς λέγων, 2 Ὡμοιώθη ἡ βασιλεία τῶν οὐρανῶν ἀνθρώπῳ βασιλεῖ, ὅστις ἐποίησεν γάμους τῷ υἱῷ αὐτοῦ. 3 καὶ ἀπέστειλεν τοὺς δούλους αὐτοῦ καλέσαι τοὺς κεκλημένους εἰς τοὺς γάμους, καὶ οὐκ ἤθελον ἐλθεῖν. 4 πάλιν ἀπέστειλεν ἄλλους δούλους λέγων, Εἴπατε τοῖς κεκλημένοις, Ἰδοὺ τὸ ἄριστόν μου ἡτοίμακα, οἱ ταῦροί μου καὶ τὰ σιτιστὰ τεθυμένα, καὶ πάντα ἕτοιμα• δεῦτε εἰς τοὺς γάμους. 5 οἱ δὲ ἀμελήσαντες ἀπῆλθον, ὃς μὲν εἰς τὸν ἴδιον ἀγρόν, ὃς δὲ ἐπὶ τὴν ἐμπορίαν αὐτοῦ• 6 οἱ δὲ λοιποὶ κρατήσαντες τοὺς δούλους αὐτοῦ ὕβρισαν καὶ ἀπέκτειναν. 7 ὁ δὲ βασιλεὺς ὠργίσθη, καὶ πέμψας τὰ στρατεύματα αὐτοῦ ἀπώλεσεν τοὺς φονεῖς ἐκείνους καὶ τὴν πόλιν αὐτῶν ἐνέπρησεν. 8 τότε λέγει τοῖς δούλοις αὐτοῦ, Ὁ μὲν γάμος ἕτοιμός ἐστιν, οἱ δὲ κεκλημένοι οὐκ ἦσαν ἄξιοι• 9 πορεύεσθε οὖν ἐπὶ τὰς διεξόδους τῶν ὁδῶν, καὶ ὅσους ἐὰν εὕρητε καλέσατε εἰς τοὺς γάμους. 10 καὶ ἐξελθόντες οἱ δοῦλοι ἐκεῖνοι εἰς τὰς ὁδοὺς συνήγαγον πάντας οὓς εὗρον, πονηρούς τε καὶ ἀγαθούς• καὶ ἐπλήσθη ὁ γάμος ἀνακειμένων. 11 εἰσελθὼν δὲ ὁ βασιλεὺς θεάσασθαι τοὺς ἀνακειμένους εἶδεν ἐκεῖ ἄνθρωπον οὐκ ἐνδεδυμένον ἔνδυμα γάμου• 12 καὶ λέγει αὐτῷ, Ἑταῖρε, πῶς εἰσῆλθες ὧδε μὴ ἔχων ἔνδυμα γάμου; ὁ δὲ ἐφιμώθη. 13 τότε ὁ βασιλεὺς εἶπεν τοῖς διακόνοις, Δήσαντες αὐτοῦ πόδας καὶ χεῖρας ἐκβάλετε αὐτὸν εἰς τὸ σκότος τὸ ἐξώτερον• ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων. 14 πολλοὶ γάρ εἰσιν κλητοὶ ὀλίγοι δὲ ἐκλεκτοί.