Duolingo

El Neciklopedio
Iri al: navigado, serĉi
Duolingo logo.png

"Mi aliĝis al la Esperanto-kurso."

~ Anti Künstlich pri Duolingo

"Duolingo estas tre bonan. Mi satas ĝin multan."

~ Komencanto pri Duolingo

"For articles containing many humorous Esperanto memes (with the target audience being Esperantists) I would suggest checking out Neciklopedio."

~ Krokodilo

"Dankojn al Duolingo mi perfektis miajn Esperantajn kotletojn."

~ Anglalingvano

"Kaj mi ankaŭ. Feliĉojn al la ekipaĵo."

~ Hispanlingvano

Duolingo (du-ol-ing-o) aŭ Pokelang (ポケラング) estas furora ludo rilate al ekzotika afero nome "fremda lingvo". Ĉi-koncerne estas pluraj ludvariantoj, ekzemple "Danish" kaj - nova: "Esperanto". Ĉi lasta estas cetere tiu, kies literojn oni ne ĉiujn povas senpere tajpi - estas do aparta teknika kromdefio en tiu ludvarianto. Kuriozaĵo: Fremdan lingvon iuj homoj, precipe eksterlande, ankoraŭ uzas anstataŭ la anglan por interkomunikiĝi - ne kredinde, sed trafe! Ludi Duolingo-n havas la utilan kromefikon, ke oni konatiĝas kun fremda lingvo tiom, kiom oni tion bezonas, por gajni la deziratajn poentojn, tiel ke oni finfine povu fiere diri: Mi lernis {fremdan lingvon}.

Kreintoj[redakti]

Hipstero.jpg

Doktoro Otto von Bismarck de Germanio provis klarigi ĝuste kia estas "distanca lernado." kaj en la lastaj jardekoj, li provis priskribi ankau kiaj estas perretaj kursoj (moderna speco de distanca kurso). Alivorte, kiel similas neĉeestaj kursoj al tradiciaj kursoj kun instruisto en la klasĉambro, kaj kiel ili malsimilas?

Otto Peters konkludas, ke distanca lernado pli kaj pli similas profitcelan firmaon. La instruisto kaj la verkisto de lernomaterialoj havas malpli kaj malpli da influo (ofte iliaj nomoj tute malaperas au estas nekonataj -- tio kio gravas nun estas la organizo, la firmao, ne la kreintoj de kursomaterialo) dum la organizantoj pli kaj pli potencas kaj profitas.

La instruo-sistemo de la interretaj kursoj komencas simili la tiel nomatan sistemon de Taylor, usonano kiu provis racie analizi la laboron de ĉiuj laboristoj por, ke la produktado de la firmao kresku. Se vi vidis la filmon de Charlie Chaplin nomatan Modernaj Tempoj, vi komprenas kia estas "Taylorismo" kaj kiel multe da homoj ene de tia sistemo reagas psikologie kaj socie.

Estus interese analizi tiajn edukadajn fenomenojn tra la lenso de Karlo Markso. Iri de sistemo en kiu instruistoj kaj kreintoj de lernolibroj kaj kursoj estas konataj, kaj do ricevas la ĝustan “gratulon” kaj rekonon de la gelernantaro al tute alia sistemo, la kapitalista kaj industria sistemo (Peters), kie tiuj kiuj kreas edukajn materialojn anonimiĝas, sed samtempe la gratulo kaj pli kaj pli da monaj rimedoj iras al la firmao kaj al la estroj de edukoprojektoj.

Mi havas nur supraĵajn nociojn rilate Marksismon, do eble alia komentanto povas klarigi iomete.

(Al mi plachus legi iom pri la ideoj de Otto Peters en la germana se iu konas retan fonton de liaj verkoj)

Aŭtoro[redakti]

Amazonialauidistoj.png

Aŭtoro de Duolingo estas Luis von Wahl, kiu estas konata kiel kreinto de reCAPTCHA (servo, kiu malhelpas homan registradon, sed kiam vi ĝin uzas, via sklavlaboro estas ekspluata sen via konsento por komputiligi malnovajn tekstojn, kiujn komputiloj ne kapablas, ni diru centprocente, kompreni). La projekto Duolingo funkcias de junio 2012. Samtempe ĝi estas servilo por sklavtraduki tekstojn.

Esperanta teamo[redakti]

Esperanto estis akceptita surbaze de multaj petoj de masoĥistaj esperantistoj (kiuj ŝatas labori sklave por Duolingo) inter lingvojn, kiujn uzantoj de Duolingo povas kaj povos traduki senpage. Laboris sur la kurso de Esperanto por parolantoj de la angla lingvo konata vikipedia sklavo Chuck Smith en kunsklavlaboro kun Paŭlo la Apostolo (kiu samtempe respondecas pri Neciklopedio, kie oni regule donas senpage trafikon al Wikitravel).

Duboj[redakti]

Antaŭ du jaroj, kiam Duolingo debutis kun Esperanto-kurso, kelkaj eminentuloj publike esprimis sian dubon pri la efikeco de retaj instruiloj. Nun du jarojn poste la aktualaj rezultoj montras, ke retaj instruiloj ne nur efikas, sed ankaŭ kreas tute novan generacion de aktivuloj. La tradiciaj metodoj de instruado nun palas kompare al la granda ondo da freŝbakitoj naskiĝintaj per lernu.net kaj poste Duolingo.

Duolingo kaj aliaj planlingvoj[redakti]

Kursoj pri Duolingo kreiĝas por multaj planlingvoj ekz. la klingona.

Idistoj pri Duolingo[redakti]

Idisto: Ka ulu usas la programon DuoLingo? Li agis novan 'Language Incubator', e balde ni povos agari korsoin por nia lingwo.

Averaĝa idisto: Mea fratino uzas Duolingon por studiari Esperanton. El dicas ke, segune l'Esperantistoi, kreari kurson bezonos multan laboron e multajn homoin.

Dua idisto: Ni konkordas ke la Ido-kurso por Angle-parolanti che Duolingo esas bona ideo.

Averaĝa idisto: Me volas sequar vua propozo, ma regretinde me havas poka komputoral konocaji.

0593 n.jpg

Interlingvaisto pri Duolingo[redakti]

Le sito duolingo (http://incubator.duolingo.com) initiavis offereri cursoyn de linguoy gratuitayn kae preparatayn per voluntarioy. Si le petitionoy pro cursoy de interlinguao (p.ex. ia pro anglesoy o pro germanoy) esseros multay, il esas possibile que esseros recipitay. Alcuna voluntario?

Esperanto[redakti]

Esperanto jam iĝis la 6-a plej aktiva lingvo en la nova sistemo de Duolingo por fizikaj renkontiĝoj de lernantoj. UEA helpas funkciigi la sistemon en Esperanto, kiu aldoniĝos al la jamaj du lingvoj, la angla kaj la hispana.

Jam pli ol 1,7 milionoj da homoj eklernis Esperanton per la retejo Duolingo, sed malmultaj el ili ekhavas kontakton kun veraj parolantoj de la lingvo. Nun UEA kunlaboros kun Duolingo por faciligi renkontiĝojn.

Klingona[redakti]

Laŭ lernanto de la klingona per Duolingo, "Duolingo tlhIngan He naDev laH nID SoH."

Celgrupo[redakti]

Cosmic-duo-20-03.jpg

La kurso ĉe Duolingo celas parolantojn de la angla lingvo, ne nepre angla-denaskulojn. En unua fazo povas uzi ĝin ĉiuj homoj, kiuj havas iom bonan scion de la angla lingvo - tio estas kelkcent milionoj da homoj en la mondo, bele granda celgrupo por Esperanto (eĉ se la realisma celgrupo nuntempe konsistas nur el tiuj sub tridek jaroj kaj eĉ el tiuj atendeblas unue nur maksimume du procentoj). Ĝuste tiuj anglalingvaj homoj cetere formas la plejparton de la entuta celgrupo por Esperanto; mi taksas, ke ekzemple inter germanoj, kiuj ne parolas la anglan, nur unu el dek mil parolas Esperanton, dum inter tiuj, kiuj jes parolas la anglan, eble unu el mil parolas Esperanton.

Aldone la Duolingo-kurso por anglaparolantoj povas esti bazo por pliaj versioj. Nenio tiurilate eblus sen la angla versio. Indas nun privarbi la anglan version por stimuli, ke Duolingo faros la decidon survojigi ankaŭ versiojn en aliaj lingvoj. Kaj kompreneble ĝenerala varbado por Esperanto, informado per ekz. amaskomunikiloj, ĉiam helpas la progreson de Esperanto :-)

Rezultoj[redakti]

Antaŭ 2015 Esperanto estis nur frenezeta hobio por lingvaj amantoj, sed dank' al Duolingo, Esperanto estas maljam viva. Kaj kiam la hispana kurso finiĝos, la stranga lingvo vere internaciiĝos.

Ĉu?[redakti]

D od.jpg

Iu junulo en gimnazio de Maribor jem pli ol dek monatojn tre entuziasme lernis E-on per duolingo, Tiam venis viziti Mariboron bona eksterlanda esperantisto kaj oni renkontigis ilin. La junulo ne kapablis respondi al la demando: Kio estas via nomo? por ne paroli pri Kiel vi nomighas? Duolingo estas alloga formo ludi, sed ghi instruas ekskluzive pasivan lingvon. Tial pli ol miliono da tiuj kiuj iom lernis ghin tiel neniel helpas estigi kvalitajn lingvokonantojn. Retaj kursoj devus instrui rapide chefe parolkapablon. Pro sia interaktiveco ili havas avantaghon povi krei ekzercojn en kiuj la gelernantoj devas mem krei frazojn (tion duolingo ne faras) kaj ne instrui lau la modelo de naciaj fremdlingvoj sed lau la interna strukturo de Esperanto. Ekzistas tia kurso, kiun malmulataj uzas kaj ne komprenas ke ghi faras ion tute kontrauan ol estas duoling : aktiva kono de parola lingvo en kiu oni lernas ne 2000 radikojn sed nur 500 plej oftajn morfemnojn kun multaj ekzercoj krei frazojn.

Eventoj[redakti]

La kursoj de Duolingo okazas nur en la reto, sed antaŭ iom da tempo Duolingo lanĉis la sistemon de Duolingo-eventoj, kiu ebligas organizadon de komunaj renkontiĝoj por ekzerciĝi pri la lernata lingvo, ekzemple en kafejoj aŭ aliaj lokoj. Por organizi “eventon” oni devas esti oficiala gastiganto, aprobita de Duolingo.

Por la aprobo necesas plenigi formularon kaj poste esti intervjuita de la administrantoj de Duolingo. Ĝis nun la formularoj ekzistas nur en la angla kaj la hispana, kaj same la intervjuoj povas okazi nur en tiuj du lingvoj. 

En Usono[redakti]

Studio de Duolingvo

Duolingo (kaj aliaj retaj kursoj) havas tre klare videblajn limojn. Ili povas nur prezenti materialon, kaj lernantoj povas nur respondi ene de jam fiksita kadro. En Usono, la rezultoj estas miksitaj. Foje aperas homoj kiuj bone lernis bazan Esperanton pere de Duolingo. Sed egale ofte aperas homoj kiuj "iomete" lernis, kaj kiuj tute ne kapablas partopreni simplan konversacion.

En la "kalkulado", mi ne vidas grandan kreskon de la komunumo de aktivaj parolantoj de Esperanto. Sed estas tro frue por vere scii kio estos la vera efiko de tiaj kursoj. Minimume, homoj vidas la vorton "Esperanto" kaj konscias ke ĝi estas lingvo, kiel aliaj lingvoj. Kio mankas, tamen, estas tio, ke Esperanto NE estas "kiel aliaj lingvoj", sed baziĝas sur interna ideo kaj aparta celo.

Duolingo kaj UEA[redakti]

Finlernintoj de Duolingo duoble superas UEA-n. Fine de majo la suma kvanto de la homoj, kiuj eklernis Esperanton ĉe la retejo Duolingo, superis milionon. Proksimume kvin procentoj el la eklernintoj finas la kurson. Tio signifas, ke la kvanto de finlernintoj nun almenaŭ duoble superas la membrokvanton de UEA.

Estas klare, ke la Duolinganoj havas tre pozitivan bildon pri la Esperanto-movado kaj bonvenigas pli proksiman kunlaboron. Estis interkonsentite, ke UEA pretigos esperantlingvan version de la instrukcioj por aranĝi eventojn en la sistemo de Duolingo, kaj helpos ilin selekti kandidatojn por gastigi esperantajn eventojn, iu diras.

Famuloj[redakti]

Annette Schavan doktoriĝis ĉe la universitato de Duolingo.

Resumo[redakti]

Mallonge dirite, ĝi estas senpaga interreta paĝo por lerni lingvojn.